Истрага на грчкото Обвинителство за случаите со Ковид-19 во две приватни клиники во Атина
Грчкото Обвинителство ќе започне истрага за утврдување дали е сторено кривично дело за прекршување на мерките за спречување на ширењето на коронавирусот во двете приватни клиники во Атина во кои се појави Ковид-19 кај пациентите и персоналот, објави грчката новинска агенција АНА-МПА.
Во едната клиника со 300 пациенти и 170 вработени, вчера почина едно лице позитивно на коронавирусот, првите 92 анализи се негативни, додека пак другата клиника е во карантин,бидејќи заклучно со вчера беа потврдени 28 заразени.
И во двете клиники во тек е процедурата на анализирање на примероците и се чекаат резултатите од останатите тестови.
Доколку истрагата покаже дека одговорните во двете клиники ги прекршиле превентивните мерки, врз основа на Кривичниот законик, според АНА-МПА, можат да бидат казнети со: затворска и парична казна во случај на опасност од ширење на вирусот на неодреден број луѓе; затворска казна до десет години ако прекршувањето резултирало со пренесување на вирусот; затворска казна до десет години ако е регистрирана смрт и доживотна затворска казна во случај на смрт на поголем број луѓе.
Заменик-министерот за цивилна заштита на Грција Никос Хардаљас на вчерашната редовна прес конференција во Министерството за здравство истакна дека за двата случаи надлежните ќе бидат и под кривична и под дисциплинска истрага за евентуална одговорност за небрежност.
Професорот Сотирис Циодрас, пак рече дека потребна е внимателност и претпазливост од сите, особено од здравствените работници, бидејќи „невнимателното однесување на малкумина е неправедно за оние кои внимаваат“.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево