Историски настап на браќата Мареј на АО

Британците Енди и Џејми Мареј се првите браќа-тенисери кои во историјата на Грен слем турнирите се пласирале во финале во поединечна и конкуренција на двојки.

Енди Мареј ќе игра финале со Новак Ѓоковиќ во сингл а неговиот брат финале во дубл.

Енди го елиминира Раониќ во полуфиналето за своето 5-то финале додека Џејми заедно со Бразилецот Соарес ќе игра финале во дубл против Даниел Нестор од Канада и Радек Штепанек од Чешка.

Помладиот од браќата Мареј, Енди изјави дека родителите ќе им бидат горди бидејќи нема многу тенисери од Шкотска.

Финалето во сингл се игра в недела во 9.30ч по средноевропско време.