Испораката на вакцини против коронавирус во светот ќе биде историски предизвик, потребни 8.000 авиони

Испораката на вакцини против коронавирус во светот ќе претставува најголемиот транспортен предизвик во историјата, сметаат претставници на авиоиндустријата, пренесува Би-Би-Си.

За да се дистрибуираат вакцините во сите земји ќе бидат потребни 8.000 авиони Боинг 747, соопшти Меѓународната асоцијација за воздушен транспорт (ИАТА).

Иако вакцината сè уште не е произведена, со исклучок на Русија, ИАТА уште сега, заедно со со авиокомпании, аеродроми и национални здравствени организации, прави план за нејзин транспорт.

Планот за дистрибуција предвидува една доза за една личност, пишува Би-Би-Си.

Иако транспортот на стоки е новиот фокус на уништената авионска индустрија, доставата на вакцини е многу посложена задача.

Авионите првенствено мора да ги исполнуваат стандардите како што е можноста за одржување температура помеѓу 2 и 8 степени, а за некои вакцини се потребни температури под нула.