ИРИ: Иванов и институцијата Претседател во континуитет со највисоки оценки

Претседателот Ѓорге Иванов и институцијата Претседател на Република Македонија се со највисоки оценки од граѓаните, покажуваат резултатите од последната анкета на ИРИ, спроведена од 6 до 15 јуни, на примерок од 1.105 испитаници.

Запрашани да дадат оценка од 1 до 5, граѓаните ја оцениле институцијата Претседател на Република Македонија со просечна оценка 2,59, додека за Владата просечната оценка е 2,5 и за Собранието 2,15. Граѓаните ја оцениле опозицијата со 2,29, додека медиумите со оценка 2,4.

Ѓорге Иванов, претседателот на Република Македонија е со највисоко позитивно мислење на испитаниците.

Анкетата на ИРИ покажува дека претседателот Иванов и институцијата Претседател на Република Македонија ги задржуваат водечките позиции, како и континуираната позитивна оценка кај граѓаните.