Ирак егзекутира 38 осудени терористи

Ирак денеска егзекутираше 38 лица, кои беа осудени на смртни казни поради терористички активности, соопшти ирачкото Министерство за правда.

Сите осуденици биле членови на екстремистичката организација Исламска држава. 

Џихадистите беа обесени во затворот што се наоѓа во градот Насирија.

Како што јави МИА, пред неколку дена Ирак објави победа на ИД и ослободување на целата територија што претходно беше контролирана од екстремистичката организација. 

На 24 септември во Ирак беа егзектирани 42 џихадистички борци под обвиненија за тероризам.