Интерен документ: САД да покренат воена акција против Асад

Повеќе од 50 претставници од Стејт департментот потпишаа интерен документ протестирајќи против политиката на САД во Сирија и повикувајќи за воена акција против владата на Асад.

Тие тврдат дека сегашниот пристап работи против сириската опозиција и му помага на Асад да остане на власт. Во документот се повикува на покренување напади бидејќи режимот на сирискиот претседател целосно го крши договорот за прекин на огнот.

– Рационално е да се преземат чекори за да се прекине крвопролевањето и страдањата во Сирија по петгодишна брутална војна. Статус кво не може да опстане во Сирија, се вели во документот во кој имале увид Њујорк тајмс.