Индонезија ги заострува мерките поради ширењето на Ковид-19
Индонезија оваа недела ќе воведе построги ограничувања со цел да се спречи ширењето на коронавирусот, изјави денеска претседателот Јоко Видодо, откако зголемениот број на нови случаи на зараза го нарушија здравствениот систем на земјата.
Новите мерки ќе се применуваат од 3 до 20 јули на густо населените острови Јава и Бали, објави ДПА.
Индонезиското медицинско здружение соопшти дека здравствениот систем на островот Јава е речиси пред колапс, а многу болници ги одбиваат пациентите.
– Ситуацијата нè принуди да преземеме построги мерки за да можеме да го спречиме ширењето на Ковид-19, истакна шефот на државата, додавајќи дека деталите ќе бидат објавени во текот на денот.
Новите мерки вклучуваат барање до оние кои работат во несуштински сектори да ги извршуваат своите работни обврски целосно од дома. Училиштата, трговските центри, парковите и центрите за забава ќе се затворат, додека рестораните ќе можат да служат храна само за носење.
Меѓународната федерација на Црвениот крст (IFRC) во вторникот предупреди дека Индонезија е на работ на катастрофа на Ковид-19, поради ширењето на многу заразната делта мутација на коронавирусот во таа земја.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош