Илија Плевнеш - In memoriam
Илија Плевнеш (36) млад македонски музички уметник и тонски дизајнер, кој ненадејно почина на крајот на јануари во Париз, вчера на 11 февруари во присуство на семејниот круг беше испратен во своето вечно живеалиште во Охрид.
Илија Плевнеш, кој е од својата четиригодишна возраст живееше во Париз, од својата најрана младост учествуваше како актер во различни театрски проекти. Тој го одбележа своето академско
образование со диплома за тонски инжинер на Институтот за супериорни звучни студии во рамките на париската ESRA.
Подоцна специјализираше во Њујорк, при тоа работејќи во познатото студио Quad Recording, каде што се снимени многу албуми на легендарни имиња на современата музичка сцена.
На филмски план оствари забележителна улога во македонско-францускиот игран филм „Тајната книга“, беше дел од уметничката екипа на тв филмот„Саленгро“ на Ив Буасе, и учествуваше во
францускиот докуметарен филм за Есма Реџепова.
Во кругот на основачите на Францускиот филмски фестивал во Охрид, реализира портрети на познати француски синеасти, како што се Клод Лелуш, Шарл Азнавур, Клод Милер и др.
Од основањето на Фестивалот на кинематографиите на Југоисточна Европа во Париз и Берлин, беше еден од ангажираните афирматори на Балканскиот филм во Европа.
На музички план, подолги години работеше заедно со својот брат Константин Плевеш на различни уметнички проекти, а неговиот албум „Далеку од проблемите“ со рап теми, се очекува да се
појави до крајот на годинава.
Ново на Сител
-
Билјана Ивановска влегува во градоначалничката трка во Центар
-
Министерството за правда и ДИК бараат решение за независните кандидати
-
Младата Вања апелира министерството да обезбеди инсулински пумпи на сите пациенти со дијабетес Т1 на кои им е потребна
-
Судење за екс обезбедувачот на премиерот, се презентираа снимки
-
Македонското малцинство во Бугарија не постои во последниот извештај на Стејт департментот
-
Огнот се приближи до објектите на ЈП Јасен – сите сили фокусирани на Јасен
-
Забрзано се гради автопатот Охрид-Кичево
-
Кривична пријава за директорот на Паркови и зеленило оти не им дава плати на вработените во Флораком и Луна