ИД ја презеде одговорноста за убиството на 16 годишно момче во Хамбург

 

Според информацијата која што ја пренесуваат германските медиуми за нападот е одговорен „Војник на ИД“ кој што од зад грб неколку пати го прободел момчето, пренесува дописникот на МИА од Берлин.

Весникот „Билд“ пишува дека парот во време на нападот стоел на мост од кој напаѓачот на возраст од 23 до 25 години ја турнал девојката во вода по што избегал а преживеаната девојка ја информирала полицијата. 

Признанието за предизвиканиот инцидент во Хамбург ИД го објави преку новинската агенција „Амак“ која што се смета за официјална агенција на терористичката организација. Според агенцијата „Војникот на ИД спровел операција како одговор на повиците за напади на граѓани на земјите членки на коалицијата која што се бори против ИД“.