Ховениер кај Османи на разговори за забраната на српскиот динар во Косово
Претседателката на Косово Вјоса Османи го прими денеска американскиот амбасадор в земјата, Џефри Ховениер, со кого разговарала за ситуацијата настаната по стапувањето во сила на Регулативата на Централната банка на Косово (ЦБК) за забрана на српскиот динар како средство за плаќање во земјава, јави дописникот на МИА од Приштина.
Според соопштението на службата за информирање на косовското Претседателство, на средбата на Османи со американскиот дипломат се разговарало за последните случувања во земјата, „со посебен осврт на предлозите кои нудат одржливи решенија за транзицискиот план за имплементација на регулативата на ЦБК“.
„Разговарајќи за различните аспекти на билатералната соработка, претседателката Османи ја повтори длабоката благодарност за постојаната поддршка на САД за суверенитетот, уставноста и територијалниот интегритет на Косово“, се наведува во соопштението.
Меѓу другото, во соопштението од Кабинетот на Османи се вели дека на средбата се разговарало и за „соработката во однос на меѓународната агенда во наредните месеци, како и за соработката во областа на одбраната“.
На 1 февруари стапи во сила регулативата на Централната банка на Косово (ЦБК), која предвидува дека за плаќање во земјата ќе се користи единствено евро валута, со што се укинува употребата на српскиот динар, со кој властите од Белград им исплаќаат пензии, социјална помош и други придонеси на косовските Срби.
ЦБК објави транзициски план, кој би траел три месеци, за прилагодување на српското население кон новите правила, меѓутоа ЕУ и САД бараат подолг период пред конечното спроведување на забраната на употрабата на динарот.
Реакциите од САД беа нарочито остри, до толку што помошникот американски државен секретар, Џејмс О’Брајан изјави дека одбивањето на Приштина на барањата на Вашингтон во однос на забраната на динарот го доведува во прашање партнерството меѓу двете држави.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени