Хорор во Русија: Бебе оставено да поспие на тераса почина од студ
Руската полиција отвори истрага откако бебе оставено на тераса почина од студ.
Се работи за седуммесечно машко дете кое пет часа било на тераса во количка додека надвор температурата била минус 7 степени Целзисови.
Случајот е регистран во регионот Кабаровск во Русија.
Родителите наводно бебето го оставиле да спие на свеж воздух, јави Би Би Си повикувајќи се на локалните медиуми.
Министерот за здравство им порача на родителите да не ги оставаат бебињата на отворено и незгрижени.
„Секогаш треба да знаете каде ви е детето и со кого“, рече тој. Министерот додаде дека малите деца брзо може да станат жртви на ниските температури.
Причина за смртта на бебето е хипотермија, а како што јавува Би Би Си, во земјите во кои климата е постудена, вообичаено е децата да се оставаат да спијат надвор. Се верува дека така се намалува опасност од кашлање и грип.
Родителите од северните земји како Финска и Норвешка веруваат дека нивните деца подобро и подолго спијат на отворено.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати