Хојте: Има сериозен напредок по однос на Изборниот законик

Постигнат е сериозен напредок по сите точки во дијалогот посветен на Изборниот законик, изјави Питер Ван Хојте олеснувач во разговорите меѓу партиските работни групи, по денешната петчасовна средба во Клубот на пратеници во Скопје.
- Денеска разговаравме за изборниот законик и има сериозен напредок на оваа тема. Се фокусираме на постигнување политички договор, а техничките детали треба да ги разработат техничарите, но за политичкиот договор сме многу блиску до солиден договор за сите проблеми, појасни Ван Хојте.
Според него, најтешко е да се мотивираат луѓето постојано да бидат ангажирани во дискусијата, а во разговорите, вели, постигнат е огромен напредок во однос на заемната доверба меѓу политичките партии.
- Денеска и изминативе два дена имавме мошне добро подготвени дискусии. Побарав од неколкумина своите предлози да ги достават на писмено. Сите ми доставија и тоа е голем чекор напред оти се гледа дека навистина се ангажирани во процесот. Би рекол дека на почетокот не си веруваа меѓу себе и разговорите не беа на потребното ниво, но сега има огромен напредок - градиме доверба меѓу партиите и тие навистина се ангажирани во дискусијата, рече Ван Хојте.
Утре се очекува повторно да се разговара за прашањето за Специјалниот јавен обвинител, кој ќе има надлежност да ги истражи случаите „Прислушување“ и „Пуч“. Според договорот од Пржино, Специјалниот обвинител треба да биде избран најдоцна до 15 септември, две недели по враќањето на опозицијата во Собранието.
Ново на Сител
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
-

А1 Македонија со нова припејд понуда: повеќе интернет и поголем избор за корисниците
-

Двоцифрен развој на прометот со над 29,57 милиони продадени производи: dm бележи уште една успешна година
-

Приведен 45-годишен маж за физички напад врз малолетната ќерка
-

Вработен во пошта пријавил закани на работното место
