Хил: Чувствувам напредок, најважен е фактот дека Приштина треба да ја формира ЗСО
Американскиот амбасадор во Србија, Кристофер Хил, синоќа во Прешево изјави дека чувствува напредок во дијалогот меѓу Белград и Приштина и дека според него „еден од најважните елементи на сето ова е фактот што Приштина треба да ја формира Заедницата на српски општини“, пренесе Бета
-Секако дека има и други работи што Приштина треба да ги направи, но мислам дека сето тоа води кон подобра ситуација со Европската унија и всушност ова може да се гледа како договор меѓу Приштина и Брисел, рече Хил и додаде дека „ истото може да се каже и за српската страна“.
Амбасадорот додаде дека верува оти претставниците на Брисел имаат „голема заслуга“ за овој договор.
-Господин Лајчак, особено господин Борел, кој „потроши“ 12 долги часови додека имаше многу други важни работи во врска со Украина, се занимаваше со проблемите на Србија и Косово, рече Хил во изјавата за новинарите по средбата со градоначалникот на Прешево, Шќиприм Арифи.
Хил, исто така, кажа дека е јасно „дека САД апсолутно 100 отсто го поддржуваат она што ЕУ сака да го направи“, пренесе Бета.
Тој нагласи дека САД, иако не се страна во дијалогот, се сметаат себеси за дел од тој процес и ќе продолжат да се ангажираат во него.
Ново на Сител
-
Трамп ги обвини советниците на Бајден за „велепредавство“
-
Трајко Славески кандидат за гувернер на Народната банка
-
Одбраната на Палевски и Видевски тврди дека ОЈО е контрадикторно во врска со изведените докази
-
ФФМ донесе одлука: Бројот на клубови во ПМФЛ се намалува од 12 на 10
-
Лавров: Русија нема да дозволи да биде измамена со примирје
-
Во првиот квартал со автобуси превезени 9 845 000 патници
-
Заврши доказната постапка во случајот за убиството на Вања и Панче, судењето продолжува на 2 јуни
-
Ликвидирале по нарачка, уапсени четири лица поврзани со убиствата на Орхан Бајрами Оки и Амар Исмани