Хамилтон стартува од полпозицијата во Мексико Сити

Седумкратниот светски шампион во Формула 1, Британецот Луис Хамилтон, ја обезбеди најдобрата стартна позиција за трката за Големата награда на Мексико Сити.

Хамилтон со својата 105. полпозиција во кариера, а прва зад воланот на Ферари, дојде на драматичен начин во последната квалификациска сесија, оставајќи го зад себе својот сонародник Џорџ Расел (Мерцедес) за само девет илјадити делови од секундата.

Клупскиот колега на Хамилтон, Шарл Леклер, го имаше третото најбрзо време, а до него во вториот ред од стартната линија ќе биде Макс Верстапен (Ред Бул).

Водечкиот во генералниот пласман Кими Антонели (Мерцедес), кој вечерва може да ја потврди титула светски првак, ќе стартува од третиот ред од стартната линија.

Трката на патеката „Родригез Брадерс“ ќе почне во 21 часот по средноевропско време.