Хафтар на средби со Дендиас и Мицотакис во Атина
Под огромни безбедносни мерки, под строга тајност, без да биде официјално најавена посета, доцна синоќа во Атина пристигна лидерот на Либиската национална армија, генералот Калифа Хафтар, а денеска ќе се сретне со министерот за надворешни работи на Грција Никос Дендиас, како и со грчкиот премиер Кирјакос Мицотакис, јави дописничката на МИА од Атина.
По пристигнувањето во грчката престолнина, синоќа, во хотелот каде што престојува, одржа приватна средба со шефот на грчката дипломатија.
– Пред малку во Атина го пречекав лидерот на Либиската национална армија, генералот Калифа Хафтар, напиша Дендиас на социјалните мрежи и објави фотографија од средбата.
Според неофицијални информации, утрово Хафтар и Дендиас ќе одржат средба во грчкото МНР, а како што брифираат грчки владини извори во 13 часот по локално време, либискиот генерал ќе се сретне со премиерот на Грција, Кирјакос Мицотакис во грчкиот Парламент.
Лидерот на Либиската национална армија во Атина пристигнува во пресрет на конференцијата во Берлин в недела каде што ќе се разговара за ситуацијата во Либија, а на која Грција не е поканета да учествува.
Ново на Сител
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра
-
ЦУК: Од 16 пожари на отворено во последното деноноќие, изгаснати 13, два се уште активни и еден под контрола
-
Пожар во Калифорнија, уништени повеќе од 130 згради, 13. најголем во историјата на државата
-
УЈП: Преку „меки“ мерки и соработка кон подобрување на даночната усогласеност
-
Пронајдено е 8-годишното дете од Скопје кое беше пријавено дека се оддалечило од домот
-
ОЈО Гостивар отвори против тројца браќа за убиство од одмазда во гостиварско Дебреше
-
123 санкционирани возачи во Скопје, 22 за брзо возење