Групата Еј-Си/Ди-Си ја прекина американската турнеја
Австралиската група Еј-Си/Ди-Си (AC/DC) беше принудена да ја прекине својата американска турнеја, откако лекарите го предупредија фронтменот на бендот Брајан Џонсон дека би можел целосно да оглуви поради вревата на нивните настапи.
Во соопштението објавено на официјалната страница на групата се иразува жалење поради ваквата одлука и се наведува дека подоцна во текот на годинава Еј-Си/Ди-Си ќе ги надомести откажаните концерти, но со друг пејач, чие име се уште не е објавено.
Својот последен албум „Rock or Bust“, Еј-Си/Ди-Си го објави лани во ноември, по што групата ја започна својата концертна турнеја.
Џонсон (68) е вокал на Еј-Си/Ди-Си од 1980 година, па многумина обожаватели на групата сметаат дека без него бендот „нема да биде она што беше“.
Во 2014 година бендот веќе остана без еден од своите членови-основачи, Малколм Јанг, кој мораше да се повлече од јавните настапи откако беше откриено дека боледува од деменција.
Инаку, научно е докажано дека врева и бучава поголеми од 85 децибели можат да го оштетат слухот. Јачината на обичен разговор е околку 60 децибели, музиката во ноќните клубови вообичаено е околу 110 децибели, додека на рок концерите вревата може да достигне и до 115 децибели. Бучавата при полетуваљњ на авион, за споредба, е околу 120 децибели.
Ново на Сител
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница
-
Лидерите на „ВРЕДИ“ на средба со Албин Курти
-
Нетанјаху го обвини Ганц дека „му дал ултиматум на премиерот, наместо на Хамас"
-
Маск пристигна на Бали поради планираната достапност на интернет услугата Старлинк
-
Првата официјална посета во странство на претседателката Сиљановска Давкова во Ватикан и Рим
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна
-
ЦУК: Поплавени подруми и гаража во охридско од поројниот дожд