Грција денеска ќе ја соопшти листата со трети земји за чии државјани ќе дозволи влез
Грција утре и официјално ќе отвори дел од граничните премини со Северна Македонија, Албанија, Бугарија и Турција, но во текот на денешниот ден ќе се знае дали тоа ќе значи и дозвола за влез кај јужниот сосед за македонските, албанските и турските државјани, со оглед на тоа дека се од трети земји, вон ЕУ, јави дописничката на МИА од Атина.
Јужниот сосед ги очекува одлуките на европско ниво, односно што ќе решат членките на Унијата за потоа да ја соопшти и грчката позиција.
Во однос на тоа што ќе важи за авионско, морско и копненото поврзување од и кон Грција со земјите што не се во ЕУ, грчки владини извори, синоќа, како што објави МИА брифираа дека листата на трети земји за кои Грција ќе дозволи влез, ќе биде финализирана денеска, откако за конкретното прашање ќе завршат консултациите на ниво на Европската унија.
Портпаролот на грчката Влада, Стелиос Пецас на вчерашниот брифинг со новинарите, објасни дека ги очекуваат одлуките од Европската Унија, рече дека станува збор за тешка дискусија и потребно е да се согласат сите земји, но истакна дека доколку не се постигне договор на европско ниво, Грција ќе ја соопшти нејзината позиција.
Медиумите во Грција, во изминатите денови, повикувајќи се на извори од ЕУ, пишуваа дека за одреден број трети земји ќе се продолжи забраната за летови кон земјите од Унијата, а меѓу државите за кои ќе важи забраната се споменуваше и Северна Македонија.
Грција, утре отвора 27 регионални аеродроми за меѓународни летови, седум копнени гранични премини и седум пристаништа за влез во земјата,
Од граничните премини ќе се отворат еден со Северна Македонија (Евзони) и по два со Албанија, Бугарија и Турција.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп