Грчки медиуми: 29 нови случаи на Ковид-19 на Промахонас
На граничниот премин Промахонас (Кулата) регистрирани се 29 нови случаи на Ковид-19 кај туристи од Бугарија и Грција, објавија грчките медиуми, повикувајќи се на свои извори.
Откако во изминатиот период се зголеми бројот на „увезени случаи“ на коронавирусот во Грција, на единствениот отворен граничен премин за туристи, претставниците на Националната организација за јавно здравје веќе ги тестираат сите туристи, јави дописничката на МИА од Атина.
Професорот епидемиолог и член на експертската комисија во Министерството за здравство на Грција,Гикас Мајоркинис, за грчката телевизија „Скај“, рече дека во овој момент, за земјата најголем проблем се туристите од Бугарија и Романија.
Објасни дека се разгледуваат повеќе сценарија, меѓу кои и затворање на граничниот премин Промахонас (Кулата) или од туристите да се побара да имаат направено тест пред влегувањето во Грција.
Грчкиот премиер Кирјакос Мицотакис за денеска свика состанок со надлежните министри за да разговараат за текот на оперативниот план за контроли на влезните точки во Грција.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид