Грчката Влада ги испрати своите предлози до кредиторите
Грчката Влада синоќа ги испрати своите предлози за постигнување договор со кредиторите, соопштија владини извори, а малку подоцна претседателот на европгрупата Јерун Дејселблум потврди дека го примил документот.
Како што јави дописникот на МИА од Атина, предлогот бил испратен до Дејселблум по електронска пошта и тој ќе го препрати до министрите за финансии на земјите-членки на еврозоната и до кредиторите.
Документот потоа ќе биде доставен во грчкиот Парламент и денеска од пратениците ќе биде побарано, преку процедура за итни случаи, да го одобрат предлогот и да ја овластат Владата да преговара со кредиторите на земјата, врз основа на неговата содржина.
По завршување на преговорите, откако ќе биде склучен договор, конечниот документ ќе биде доставен до Парламентот за одобрување, по што ќе стане државен закон.
Според владини извори, предлозите вклучуваат и некои тешки прашања и е документ со кој Владата може да постигне чесен компромис со своите европски партнери, вклучувајќи елементи кои овозможуваат решавање на разни проблеми на грчката економија.
По последниот итен самит на европските лидери кој се одржа пред три дена, беше соопштено дека Грција има пет дена да избегне банкрот. Европските лидери тогаш ги отфрлија грчките предлози нарекувајќи ги несоодветни и побараа официјална Атина да се врати со детален предлог до петок изутрина.
Ново на Сител
-
Пленарна седница за интерпелацијата на јавниот обвинител Коцевски
-
Почнува судскиот процес за нападот врз скопската градоначалничка Данела Арсовска
-
Иран им се заканува на САД и Израел со силна одмазда во случај на напад, навестува можност за договор
-
Четворица убиени во пукотница во Њујорк, напаѓачот исто така е мртов
-
Словенечки пожарникари и специјализирана опрема пристигнуваат во Берово
-
Без струја корисници на улиците „Иван Цанкар“, „Франц Прешерн“ и „Вангел Дину“ во Карпош
-
Во Нови Сад прифатена иницијатива за споменик на жртвите од падот на бетонската настрешница
-
Посвежо време со локални врнежи и максимална температура до 35 степени