Градоначалникот на Белград најавува повлекување од политиката

Градоначалникот на Белград Александар Шапиќ денеска гостувајќи во РТС изјави дека по завршувањето на актуелниот мандат ќе се повлече од политиката.

„И сега, на 111-от ден од мојот втор мандат, продолжувам да го водам градот и да реализирам проекти, од кои социјалната заштита и сообраќајот се едни од најважните. По овој мандат мислам дека е доволно“, рече Шапиќ.

На новинарско прашање дали „завршил со Белград или со политиката“, Шапиќ рече – „со политиката“.

„Во овој момент не ме интересира дневно-политичкиот рејтинг. Верувам дека моето знаење и искуство и политичка храброст можам да ги искористам во интерес на белграѓани“, рече тој.
Пред да се вклучи во политиката, Шапиќ беше ватерполист.