Градежни работи во девет средни училишта во Скопје
Скопскиот градоначалник Коце Трајановски денеска го посети средното училиште на Град Скопје „Здравко Цветковски“ каде што летово се менува азбестниот покрив на училишната зграда. Се реконструира и надворешната фискултурна сала, гардеробите и санитарните јазли, а се менува оштетениот паркет.
- За да се подобрат условите во кои учат средношколците, Град Скопје и годинава во текот на летниот распуст ги реконструира средните училишта што се во негова надлежност. Ова лето градежни работи се изведуваат во девет средни училишта, а Град Скопје за реализација на овој проект од буџетот издвои околу 31,3 милони денари, изјави Трајановски.
Во СУГС „Раде Јовчевски-Корчагин“ се заменуваат прозорците, во СУГС „Цветан Димов“ се заменува столаријата и се обновуваат подовите во училишниот објект, а во СУГС „Панче Арсовски“ се реконструираат фасадата и покривот. Во СУГС „Орце Николов“ се работи на реконструкција на прозорците, во СУГС „Никола Карев“ се врши санирање на покривот; во СУГС „Владо Тасевски“ се реконструираат санитарните јазли, во СУГС „Браќа Миладиновци“ и СУГС „Арсени Јовков“ се работи на реконструкција на дворната површина на училиштето.
- Градежните работи кои се во тек, во овие девет училиште треба да завршат до почетокот на новата учебна година. Во текот на изминатите години, од 2009 до 2015 година Град Скопје за реконструкција и санација на средните училишта од Буџетот има издвоено околу 226 милиони денари, рече Трајановски.
Директорката на средното училиште на Град Скопје „Здравко Цветковски“ Драгица Костадиновска истакна дека учениците ќе имаат подобри и побезбедни услови за учениците.
Ново на Сител
-
Како социјалните мрежи можат позитивно да го променат животот на еден млад човек
-
Граѓаните извисија: Три часа евтина струја преку ден летово ќе нема, сега ќе се крои новата цена за од 1 јули
-
Тешко до работа преку Отворен Балкан
-
34 години ВМРО-ДПМНЕ
-
Мицкоски утре ќе го доставува предлогот за Влада до Собранието до недела на полноќ треба да се избере владиниот кабинет
-
Шест години од потпишувањето на Преспанскиот договор
-
Проф. Садикарио: Од Струшкиот медицински факултет ќе излегува импровизиран кадар, а тоа е многу опасно
-
Миле Јанакиевски по 6 години поминати од затвор излезе на слобода