Готов новиот парк кај Комплекс згради „УЗУС“ во Велес

Општина Велес го пушти на користење за граѓаните новиот парк кај Комплексот згради „УЗУС“ во новиот дел на градот. Општина Велес со ангажирање на ЈКП „Дервен“ на овој простор изгради пешачка патека од 370 метри, внатрешни патеки од 300 метри, постави 20 канделабри, а подигна и  ново зеленило и постави урбана опрема.

 

Претходно, во населбата Комплекс „УЗУС“ беше извршена и реконструкција на заленилото кое со години беше запуштено. Исто така, и позади ССОУ „Коле Неделковски“ запуштениот училишен простор од шест илјади метри квадратни е уреден во нова зелена површина.

 

Од Општина Велес потенцираат дека овие нови активности се од големо значење за подобра животна средина во градот и подобрување на квалитетот на воздухот во интерес на сите граѓани.

 

Тие информираат дека уредувањето на паркот кај Комплекс згради „УЗУС“ е согласно Програмата за нови зелени површини на Општина Велес за 2019 година.