Гореше депонијата во Македонска Каменица - пожарот локализиран

 Депонијата во Македонска Каменица синоќа повторно гореше. И овој пат брзата интервенција на Територијалната против пожарна единица спречи ширење на огнот, што според одговорните лица во противпожарната единица, е предизвикан со намера.

-Во гаснењето на пожарот со крупна механизација учествуваше и екипа на Јавното претпријатие „Камена Река“ при што тој синоќа беше локализиран. Екипите на ТППЕ и ЈП „Камена Река“ се на терен се до целосно гасење на пожарот, информираат од ТППЕ од Македонска Каменица.

Додаде дека ова е четврти пожар за неполн месец на депонијата во Македонска Каменица, што не било случај досега.

Од ТППЕ во неколку наврати апелираа да се прекине со недозволени дејствија на градската депонија, а и овој пат случајот е пријавен до надлежните, од каде очекуваат сторителите конечно ќе бидат санкционирани.