Големи штети од невремето во Неготино, најпогодени месностите Калдрма, Скрка, Бутче и Црно поле

Најголеми штети од невремето што вчера попладне го зафати неготинско, според првичните податоци од терен, има во месностите ,,Калдрма”, ,,Скрка”, ,,Бутче”, ,,Црно поле”. Ова го изјави денеска за МИА, градоначалникот на Неготино, Горан Стојанов.

– Земјоделците секогаш ја имаат поддршката од Општината, така е и овојпат. Почитувајќи ги законските одредби, ќе го направиме тоа што е во нашите надлежности. Ќе се излезе во увид на лице место, со цел да се утврди во кои месности има оштетувања и колкав е процентот на штетите, дециден беше Стојанов.

Општина Неготино вчера попладне беше зафатена од силно невреме проследено со пороен дожд и врнежи од град.

Според земјоделците, оштетувања има кај повеќе земјоделски култури. Тие велат дека на некои места, штетите се стопроцентни. Овие фотографии се направени во месностите ,,Калдрма” и ,,Тимјаничка цуцка”.