ГОБ 8-ми септември: Боки 13 е во добра состојба

Темелниот здравствен преглед врз Бојан Јовановски покажал дека тој е во добра состојба.

Од Градската болница 8-ми септември, за Сител велат дека направените здравствени прегледи покажале дека тој нема потреба да престојува во болница. Боки 13 од болница бил испуштен со препорачана таблетарна терапија која треба да ја прима во притворското одделение во истражниот затвор „Скопје“.

Инаку Апелациониот суд денеска треба да одлучи дали Јовановски ќе замине во куќен притвор. Тој бара од апелационите судии да му се укине притворот заради влошено здравје.

Боки 13 кој е обвинет во Рекет, утре прв пат ќе седне на обвинителната клупа во судот. Почнува судскиот процес каде освен него, обвинети се поранешната специјална обвинителка Катица Јанева и Зоран Милевски-Кичеец.

Зоран Јаневски