ГН Азербејџан: Пол позиција за Ботас
Валтери Ботас ќе стартува од пол-позицијата на трка за Големата награда на Азербејџан. Финецот до пол-позиција дојде пред клупскиот колега Луис Хамилтон. Квалификациите ги обележа инцидентот што го предизвика Шарл Леклер. Возачот на Ферари во втората сесија удри во заштитната ограда и го уништи својот болид.
Возачите на Мерцедес доминираа во квалификациите низ улиците на Баку, иако на слободните тренинзи главни на патеката беа Себастијан Фетел и Шарл Леклер од Ферари.
Ботас, во последниот круг успеа да му ја земе пол-позицијата на светскиот првак Луис Хамилтон. Финецот забележа круг 1:40.495 минути. Ова време за само 59 илјадити делови од секундата беше побрзо од она што го постигна Хамилтон.
Трката од вториот ред ќе ја започнат Себастијан Фетел од Ферари и Макс Ферстапен од Ред Бул.
Пласман меѓу првите десет на стартот изборија Серхио Перез (Рејсинг Поинт), Данил Квјта (Торо Росо), Ландо Норис (Мекларен), Антонио Џовинаци и Кими Раиконен од Алфа Ромео и Шарл Леклер од Ферари кој воопшто не возеше во третата квалификациска сесија.
Трката за Големата награда на Азербејџан се вози утре од 14.10 часот.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден