Ѓурчески: Се сомневам дека Данка е киднапирана, детално чешлање на сите криминалци во тој регион
Исчезнувањето на малата Данка Илиќ (2) во Бањско поле кај градот Бор го потресе регионот. Потрагата по малата Данка трае точно два дена, односно од 13:30 на 26 март, кога нејзината мајка пријавила дека не може да ја најде својата ќерка. Нејзиното исчезнување за прв пат го вклучи системот „Најди Ме“, кој ги известува сите граѓани во Србија со податоци и информации за личноста по која се трага. Во постапката се вклучени и повеќе од 500 службеници, а на пронаоѓање работат и сите безбедносни системи од регионот. Поранешниот началник на МВР, Љубомир Ѓурчески во разговор за утринската програма на Сител ТВ, посочи дека потрагата по Данка преминува во истрага. Ѓурчески се сомнева дека станува збор за криминално дело, односно грабнување.
Според него првичните чекори се веќе преземени а потребно е детално прочешлување на сите лица познати на законот како сторители на кривични дела изнуда, киднапирање и трговија со недозволени работи.
Ѓурчески ја посочува важноста на системот „Најди Ме“ и верува дека ова треба да биде уште еден поттик за нас како држава да го искористиме и воведеме истиот начин на функционирање.
Ваквите немили настани како што беше случајот со Вања во Македонија и сега со Данка во Србија треба да биде поттик за многу поригорозни законски казни и многу посилни контроли. Имено, Ѓурчески посочува дека сите индикации, шпекулации, тврдења за трговија со деца, трговија со органи не треба да се занемарува туку напротив сериозно да се истражи.
Ѓурчески верува дека српските безбедносни сили имаат и услови и капацитет да извршат темелна истрага која ќе доведе до расветлување на случајот.
Кирил Стојанов
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп