Ѓерлек: Лековите ќе бидат пресвртница во борбата со коронавирусот
Иновативните лекови ќе бидат пресвртница во борбата против коронавирусот, изјави денеска државниот секретар во Министерството за здравство, Мирсад Ѓерлек и најави дека до крајот на декември во Србија пристигаат 10.000 дози од лекот „молнупиравир“ од Мерк, како и лекот на Фајзер, јави дописникот на МИА од Белград.
Ѓерлек предупреди дека во Србија во моментов има повеќе од 1.000 заболени пациенти секој ден и дека тоа е сериозна бројка што укажува дека нема простор за опуштање, но и оптимист дека 2022 година ќе биде „многу поповолна година “.
-Се надевам дека оваа, како и сите други пандемии, ќе ослабне по две години, изјави Ѓерлек за ТВ К1, посочувајќи дека омикрон сојот, кој се уште не е регистриран во Србија, „сигурно ќе пристигне“.
„Опколени сме, бидејќи омикронот е регистриран во Романија, Хрватска и Црна Гора. Коронавирусот постојано нè изненадува и мора да бидеме подготвени за најлошото сценарио“, нагласи Ѓерлек и додаде дека ни делта сојот на почетокот не даваше тешка клиничка слика. Тој кажа дека во Србија се прават истражувања дали ќе биде потребна четврта доза од вакцината, додавајќи дека во светот има недостиг од вакцини, но дека граѓаните на Србија не треба да се грижат за тоа.
-Имаме редовна испорака на вакцини на Фајзер, а во Торлак произведовме милион и пол дози од вакцината Спутник В. Дај боже да ги искористиме сите тие вакцини, изјави Ѓерлек, нагласувајќи дека Србија нема да дозволи да им истече рокот на вакцините, туку ќе им ги подели на оние што сакаат да ги примат.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот