Германските бизнисмени во земјава го поздравуваат пролонгирањето на прогресивното оданочување
Делегацијата на германското стопанство во државава ја поздравува одлуката на Владата за прологирање на прогресивното оданочување. Оттаму денеска информираа дека уште на почетокот на годината се спротиставиле на прогресивното оданочување и на зголемувањето на данокот на доход.
– Изразивме и критика кон не вклучувањето на приватниот сектор во изготвувањето на законската одлука, што создаде дополнителна неизвесност кај компаниите. Се чини дека Владата воочи дека прогресивното оданочување, како што беше и нашата претпоставка, допринесе за даночно затајување и зголемување на сивата економијата. Со актуелната одлука Владата се доближува кон потребите на стопанството, истакнува Патрик Мартенс, директор на Делегацијата на германското стопанство во денешната изјава.
Тој посочува дека во понеделникот се сретнал со министерката за финансии Нина Ангеловска која го информирала дека резултатите што се очекувале од прогресивното оданочување се уште не се постигнати и оти во периодот што следи Владата сака да се фокусира на оптимални, фер и ефикасни решенија.
Ново на Сител
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик