Германскиот канцелар Шолц се повредил додека џогирал

Германскиот канцелар Олаф Шолц претрпел полесна повреда на лицето кога утринава паднал додека џогирал, принудувајќи го да ги откаже обврските за викендот, изјави владината портпаролка.

„Тој падна додека трчаше и има модринки на лицето. За жал, мораше да ги откаже своите состаноци“, изјави портпаролката.

Социјалдемократскиот канцелар требаше да учествува на политички митинзи за поддршка на кандидатите на неговата партија во светло на регионалните избори закажани за следниот месец во Хесен. Министерката за внатрешни работи Ненси Фезер ја предводи листата на Социјалдемократите (СПД) за овие избори во Хесен.