Германија размислува да го одложи затворањето на термоцентралите на јаглен
– Германската Влада ја разгледува можноста за одложување на плановите за затворање на термоцентралите на јаглен.
Германија имаше поставено како цел до 2038 година целосно да ги затвори капацитетите за производство на електрична енергија од јаглен.
Заложбите на централно-левичарската коалиција беа тоа да се направи и порано, најдоцна до 2030 година.
Но, конфликтот во Украина доведе до преиспитување на енергетската политика на Берлин.
Социјалдемократите, Зелените и Слободните демократи изготвија плански документ за кој посочуваат оти не значи промена во однапред поставените цели, иако во него се остава како можност одложување на крајниот рок за затворање на термоцентралите на јаглен.
„Сакаме краткорочно да ја намалиме потрошувачката на гас во производството на електрична енергија, на начин што ќе ги имаме на располагање капацитетите на јаглен“, се посочува во документот.
Германија е под притисок да ја намали зависноста од рускиот гас кој во моментот покрива 55 отсто од нејзините потреби.
Ново на Сител
-
Одлука за испраќање припадници на АРМ на вежби во Бугарија и Германија и во операција на НАТО во Косово
-
МВР: Лични документи може да се подигнат и утре
-
Кривична пријава за злоупотреба на службена положба и овластување
-
Истрага за недозволено држење оружје
-
Обид за кражба во простории на Општина Чаир каде се чувал изборен материјал
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники