Г. Петар: Има надворешно сценарио за промена на името – и на државата и на црквата
Мислам дека во врска со црквата и со државата и со името има едно влијание, едно сценарио кое е поголемо и е на меѓународен план, изјави во „Око“ на Телевизија Нова митрополитот преспанско-пелагониски и администратор австралиско-новозеландски, г. Петар.
„Тој притисок е очигледен и во општеството, а подеднакво се врши влијанието и за промена на името, и на државата и на црквата, на нашиот јазик и на сѐ што е белег на македонската нација и општество Она што во последните две и пол години ѝ се случува на државата е предавство, на нашите национални белези. Тука се јазикот, културата, грбот на нашата држава, химната. Сето тоа е загрозено со постапките што се направени во овие последни години, вели владиката Петар во емисијата „Око“ на ТВ Нова.
„Во старомакедонскиот или старословенскиот, како сакате, зборот јазик се поистоветува со зборот народ. Тој е битен елемент на една нација. Знаеме дека најдобар начин за една држава, да се изразуваат луѓето е да има еден заеднички јазик кој ќе биде обединувачки. Во конкретниов случај во оваа држава обединувачки јазик ни е македонскиот“, изјави г. Петар.
„Ако немате обединувачки јазик, државата се раслојува. Тогаш зошто да има двојазичност, нека има 40-јазичност колку што има нации, народи или народности“, додаде владиката Петар.
Ново на Сител
-
Тема на денот со Венко Филипче, претседател на СДСМ
-
МВ: ВМРО-ДПМНЕ 51,7% - СДСМ 10,9%
-
СДСМ вели дека Владата е раскарана, ВМРО-ДПМНЕ одговори дека е стабилна и функционална
-
Андоновски за првата антикорупционерка: Треба да си даде оставка
-
Обвинителството обезбедува докази од вчерашната престрелка на Бит пазар – власта и опозицијата со меѓусебни обвинувања
-
Манасиевски: Од левичари и глумење скромност до деловни објекти во центарот на Скопје
-
Правда мора да има - протест за загинатите во дискотеката „Пулс“ во Кочани
-
Помалку шетање по шалтерите во основните судови – и онлајн може да си извадите документ дека сте неосудуван