Фудбал У-18: Македонија ја победи Црна Гора

Македонската репрезентација до 18 години ја победи Црна Гора со 1:0 на првиот од двата контролни натпревари во Скопје. Избраниците на Вујадин Станојковиќ беа подобар противник во текот на натпреварот и заслужено се радуваа благодарение на погодокот на Бојан Колевски во првото полувреме.

 

Бојан Колевски во 17. минута го постигна водечкиот гол за Македонија по акцијата која ја започна Елмаз, а во шеснаесетникот на Црна Гора нафрли Михаил Маневски. Колевски само пет минути по нашето водство можеше да ја удвои предноста, но не беше прецизен одново по додавање на Маневски. 

 

Во второто полувреме младите гостински фудбалери се обидуваа да создадат шанса за израмнување, но не успеаја. Македонија го зачува водството до крајот.

 

Утре на тренинг комплексот „Петар Милошевски“ двете репрезентациите ќе го одиграат вториот меѓусебен контролен натпревар. Почеток е во 11 часот.