Фрлила топче со порака во океанот, а по шест години добила повратен одговор

Хајли Робинс, млада девојка од американската сојузна држава Кентаки, пред шест години во океанот фрлила бејзбол топче со порака со која го бара „мажот на својот живот“ и конечно пред извесно време добила повратен одговор.

Топчето што го фрлила го адресирала до „слатките момчиња“, со порака: „кој ќе го најде, да и се јави". Минатата недела, добила порака на мобилниот.

„Хеј, сакам да бидам твој суперхерој, погоди го моето име", гласела пораката на „слаткото момче", кое потоа се претставило како Адам.

Но, подоцна излегло дека се не е толку романтично, бидејќи топчето го пронашла девојка по име Келси, која сакала да се пошегува, надевајќи се со Хејли дека може да станат пријателки. Хајли сепак не ги делела чувствата со „среќната предвидувачка“.