Француско-германски церемонии за Денот на примирјето

По повод Денот на примирјето од Првата светска војна, амбасадите на Република Франција и на Сојузна Република Германија денеска на заеднички церемонии на Француските и Германските воени гробишта во Битола и Прилеп ќе им оддадат почит на жртвите на насилствата од сите војни.

Во присуство на македонски претставници на државните и локалните власти, како и на дипломатскиот кор и на здруженија, амбасадорката на Сојузна Република Германија ќе одржи говор на француски јазик на Француските воени гробишта во Битола, а амбасадорката на Република Франција ќе се обрати на германски јазик на Германските воени гробишта во Прилеп, во знак на помирување помеѓу двете држави и на француско-германско пријателство.