Франција воведува специјални розови регистарски таблички

Почнувајќи од следната година, во Франција се воведуваат розови регистарски таблички. Тие ќе ги заменат табличките што се користат за нови и увезени возила, коишто се бели, исто како и стандардните таблички, а целта е со тоа да се спречат измами и злоупотреби.

Секоја година во Франција, меѓу 350.000 и 450.000 возила се опремени со привремени регистарски таблички, и тие важат максимум четири месеци. Сепак, некои возачи продолжуваат да возат со истечени таблички. Владата вели дека измамата со регистарски таблички е растечки проблем. За борба против таквите случаи, Франција ја воведува новата мерка почнувајќи од првиот квартал од 2026 година. Розовите таблички, се вели, се видливи и уочливи во сообраќајот, што ѝ олеснува на полицијата и царината да ги проверуваат возилата со привремена регистрација.

Ниту една друга земја засега не ја користи розовата боја за регистарски таблички.

Покрај сѐ друго, и датумот на истекување (месец и година) ќе биде отпечатен на плочката, така што полицајците и камерите за брзина ќе можат многу побрзо да увидат дека возилото е или сè уште не е проверено и регулирано за возење.

MИА