Франција се „извлече“ во Скопје

Репрезентациите на Македонија и на Франција до 21 година попладнево освоија по еден бод откако дуелот што се играше на комплексот терени на ФФМ „Петар Милошевски“ заврши без победник 2:2. Ова беше дуел на селекции кои се во горниот дел на табелата во групата 3 од квалификациите за ЕУРО 2017.

Општа оценка е дека „триколорите“ се извлекоа во Скопје бидејќи Македонија по првиот дел водеше со 2:0 со головите на Виктор Ангелов 19. минута и на Марјан Радески 40.минута. Франција од 59 минута играше со десет играчи откако по вториот жолт картон беше исклучен Спарања.

Франција со головите на Себастиен Халер 65.минута и на Кевин Енкуду 72.минута стигна до изедначување и до еден бод.

ТАБЕЛА:

1 ИСЛАНД 11 (5)

2 ФРАНЦИЈА 10 (5)

3 МАКЕДОНИЈА 7 (4)

4 ШКОТСКА 5 (4)

5 СЕВЕРНА ИРСКА 1 (4)

6 УКРАИНА 1 (4)

Македонија следниот натпревар го игра на домашен терен со Исланд на 24.март 2016 година.