Франција му дозволи на Мевлут Чавошоглу да одржи митинг во Мец

Франција, за разлика од другите европски земји, не ја откажа посетата на турскиот министер за надворешни работи Мевлут Чавошоглу, кој синоќа пристигна во Мец, каде треба да се обрати на јавен собир пред тамошната турска заедница, јавува дописникот на МИА од Париз.

Според префектурата од Мец, оваа манифестација не претставува ризик за нарушување на јавниот ред.

- Унијата на турските демократи од Европа, или нејзината локална секција, изнајмија сала во конгресниот центар со цел да го организираат овој политички собир, истакна генералниот секретар на префектирата од Мозе, Алан Картон, кој притоа појасни дека францското Министерство за надворешни работи било запознато со одржувањето на овој собир.