Франција 2017:Македонија одработе тренинг пред дуелот со Ангола

По триумфот над Тунис во пријатно расположение македонските ракометари попладнево тренираа во пресрет на вториот натпревар од групата што утре го играат против селекцијата на Ангола. Новиот ривал на Македонија во првото коло загуби со Словенија со 42:25. На денешниот тренинг поради повредата (рбетниот столб) добиена за време на вчерашниот дуел со Тунис го немаше Велко Маркоски, кој остана во хотелот, додека Дејан Манасков кој има оток на глуждот на ногата тренираше со намален интензитет. 

- Треба да бидеме внимателни и да нема опуштање. Ангола е квалитетен тим и дуелот со Словенија не е нивната вистинска слика. Одиграа послабо од тоа што можат, а ние имавме можност да ги видиме од натпревари што ги играа на шампионатот на Африка. Ако ние ја одиграме нашата игра и бидеме максимално борбени не би требало да има проблем да ја постигнеме и втората победа на шампионатот, изјави Гоце Георгиевски.

Селекторот Лино Червар изјави дека ако има потреба ќе дојде до промена во составот, но очекува сите кои вчера беа на теренот повторно да бидат на располагање. 

Натпреварот Македонија - Ангола е последен на програмата од 2.коло од групата Б што се игра во Мец. Почетокот е во 20:45 часот. Предтходно се играат натпреварите Исланд - Словенија и Тунис - Шпанија.