Франција 2017: Македонија на мегдан со „црвената фурија“ (почеток 20:45 ч.)
Посакуваната цел е остварена изборен е пласман во осминафиналето на СП, но поразот со Словенија ги покажа слабите страни во играта на македонската ракометна репрезентација.
Немаме алтернатива за игра без Миркуловски, како и за Кирил Лазаров. Нашите голмани се во барање на серија одбрани. Трајковски тоа го имаше со Тунис, но ниту тој ниту Колев немаа со Словенија серија интервенции. Можеби е време и Талески да добие шанса или предност пред Нелоски, барем на вечерашниот дуел со Шпанија.
Позитивен резултат може да донесе многу, а пораз нема да значи ништо страшно бидејќи утре со Исланд имаме директен дуел за трето место во групата што значи избегнување на Франција во осминафиналето.
„Црвената фурија“ покажа можеби најмногу во нашата група, а досега ги победи Исланд, Тунис и Ангола. „Вардарците“ Кањелас и Душебаев со соиграчите, го сакаат првото место во групата што значи избегнување на Франција во нок аут фазата до финалето.
Нивниот селектор Жорди Рибера очекува тежок дуел, особено што Македонија игра напад „7-6“. Кирил Лазаров со 31 гол е најдобар стрелец на шампионатот досега, а во противничкиот тим денеска ќе играат пет негови соиграчи од Барселона.
Селекторот Червар најави дека се можни промени во составот, но тоа не го стори. Затоа пак кај Шпанија дополнително е вметнат капитенот Раул Ентрериос, кој досега поради повреда не играше.
Ова за Македонија е 30.ти натпревар на Светските првенства, а против Шпанија ќе го играме петтиот дуел и имаме четири порази.
Натпреварот ќе го судат Литванците Гателис и Мазеика.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух