Фосилите пронајдени во Пијанец – дел од првата научна монографија за фосилната фауна во Македонија

 

Научниците од Националниот природонаучен музеј – БАН, Националниот музеј на природна историја во Париз и Природонаучниот музеј на Македонија, предводени од професор Николај Спасов, директор на Националниот природонаучен музеј во Бугарија, ги претставија резултатите од истражувањата во сумарната монографија „Доцномиоценската фауна на Македонија“, која е објавенa во престижното палеонтолошкo издание -Palaeontographica.

 

-Во монографијата се назначени барем 57 вида фосилни животни, меѓу кои чифтокопитни, хипариони, носорози, хоботни, мајмуни, предатори и други фосилни животни, а се базира врз основа на фосилни материјали, собирани со години за време на ископувањата на првиот македонски палеонтолог Ристо Гаревски кои се чуваат во Природонаучниот музеј на Македонија во Скопје, се наведува во објавата на професор Спасов.

 

Меѓу оценуваните 25 наоѓалишта во рамки на истражувањето се наоѓаат долините на Пореч на Вардар и Струмица, како и од областите на Мориево и Делчево. Согласно со добиените податоци, најбогатите наоѓалишта се со фосили стари помеѓу 7,2 и 7.4 милиони години, од кои кај Караслари се пронајдени 22 вида и кај Киро Ќучук вкупно 17 видови.

 

Во тек на истражувањето направени се биохронолошки анализи на локалитетите, со што е овозможено нивно позиционирање со текот на времето.