Формирана „Коалиција за промени и правда“

Политичките партии „Демократски сојуз (ДС) и МОРО - Работничка партија, здружението ДЕМОС и движењето ФРОДЕМ денеска основаа „Коалиција за промени и правда“ (КПП).

Коалицијата е за заедничко дејствување во, како што беше истакнато на промоцијата, услови на исклучително сложена политичка состојба.

Павле Трајанов, претседател на ДС рече дека нивната платформа за дејствување е одговор на граѓанскиот предизвик да се формира нов, силен политички блок, кој, како што наведе, ќе дејствува за да се случат промени и правда во Македонија.

- Наша цврста определба е дека во Македонија мора да се спроведат длабоки реформи, за да се создадат услови за фер, демократски и кредибилни избори, рече Трајанов, оценувајќи дека „изборите ќе се одложат и оти е потребно формирање експертска влада од врвни професионалци“.