ФК Шкендија најави бериќетна сезона и отворање академија

ФК Шкендија денеска одржа прес конференција на која беше презентирано новото раководство на чело со д-р Абдулменаф Беџети и беа најавени плановите за во иднина со најважни сегменти осовременување на стадионот во Тетово и отворање на фудбалска академија за формирање нови таленти.

За целите на теренот говореше тренерот Шпетим Дуро.

„Шкендија во новата сезона ќе се обиде да ги нападне двата фронта, шампионатот и Купот. Ова го реков уште по првиот ден од моето враќање и ќе го повторам повторно, дека Шкендија со новите засилувања во менаџментот има јасна цел за иднината. Тимот под водство на компанијата 'Еколог' имаше добар успех изминатите две сезони играјќи на меѓународната сцена, но сега амбициите се повисоки, односно да се освојат трофеите“, изјави Дуро на денешната прес-конференција.