Филмскиот фестивал во Сан Себастијан воведува родово неутрални награди
Шпанскиот Меѓународен филмски фестивал во Сан Себастијан соопшти дека годинашните награди за глумците првпат ќе бидат неутрални според полот. Имено, Сребрената школка за најдобра машка и женска улога, ќе се замени со Сребрена школка за најдобра главна улога и за најдобра споредна улога, објавија организаторите.
– Промената произлегува од уверувањето дека полот, социјалната и политичката припадност веќе не е критериум што го следиме за да ги разликуваме перформансите. Единствениот критериум на жирито ќе биде разликата меѓу добри и лоши настапи, рече директорот на фестивалот, Хозе Луис Ребординос.
Сличен чекор презеде и Берлинскиот филмски фестивал, одржан минатиот март.
Организаторите изразија уверување дека овогодишниот фестивал ќе изгледа како оние пред пандемијата на Ковид-19. Иако веројатно ќе има некои ограничувања, фестивалот има намера да го зголеми бројот проекции и капацитетот на кината во споредба со лани, надоместувајќи го малку и гламурот на црвениот тепих.
Претстојниот, 69-ти Меѓународен филмски фестивал во Сан Себастијан ќе се одржи од 17 до 25 септември.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата