Филипче: Зацртаното во голема мера е реализирано
Министерот за здравство Венко Филипче во видеообраќање по повод две години откако е на функцијата, соопшти дека она што било зацртано на почетокот на мандатот во голема мера е реализирано, а една од главните цели биле капиталните инвестиции и реконструкциите.
Наведува дека годинава целосно се реконструирани Одделението за интензивна нега на Клиниката за неврохирургија, Клиниката за хематологија, Клиниката за пластична и реконструктивна хирургија, Клиниката за дигестивна хирургија и Клиниката за гастроентерохепатологија.
Целосно се реновирани салите за операции на Клиниката за ортопедија каде, како што вели, се изведуваат најсофистицирани операции на локомоторниот систем. Целосно се реконстурирани и службите за Итната медицинска помош во здравствените домови во Велес и Битола.
-Го пуштивме во употреба новиот ургентен центар во Куманово и Кардиоваскуларниот центар во Градската општа болница „8 Септември”. Од темел го изградивме новото одделение во Психијатриската болница во Негорци и машкиот павилјон во Психијатриската болница во Демир Хисар. Во завршна фаза се два капитални проекта – Специјалната болница по хируршки болести „Св. Наум” во Скопје и Специјалната болница за ортопедија и траумотологија „Св. Еразмо” во Охрид“, истакнува министерот Филипче и додава дека од следната година ќе почне да работи и новата болница во Струмица.
Соопшти дека во наредниот периодот е планирано да почне реновирање на уште 34 јавни здравствени установи во државата, дека се набавени најсовремени медицински апарати за здравствените установи на територијата на целата земја, како предуслов за точна и прецизна дијагностика и понатамошен соодветен третман на пациентите.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен