ФИФА ќе изврши жрепка за квалификациите за СП 2018

 

Македонската фудбалска репрезентација денеска ќе ги дознае противниците во квалификацсиката група за Мундијалот во Русија 2018.

 

Пред жрепката закажана за 17 часот во Санкт Петербург, нашата репрезентација се наоѓа во петтиот„шешир“ каде што се и селекциите на Кипар, Летонија, Ерменија, Финска, Белорусија, Азербејџан, Литванија и Молдавија и ниту една од нив нема да биде во групата со Македонија.

 

Во првиот „шешир“ се носителите, светскиот првак Германија, Белгија, Холандија, Португалија, Романија, Англија, Велс, Шпанија и Хрватска.

Вториот „шешир“ го сочинуваат Словачка, Австрија, Италија, Швајцарија, Чешка, Франција, Исланд, Данска и Босна и Херцеговина.

Во третиот „шешир“ се наоѓаат: Србија, Украина, Шкотска, Полска, Унгарија, Шведска, Албанија, Северна Ирска и Грција.

 

Репрезентации сместени во четвртиот „шешир“: Турција, Словенија, Израел, Република Ирска, Норвешка, Бугарија, Фарски Острови, Црна Гора и Естонија.

 

Шести „шешир“: Казахстан, Луксембург, Лихтенштајн, Грузија, Малта, Сан Марино и Андора.

 

52-те репрезентации ќе бидат распоредени во седум групи со по шест и две групи со по пет учесници. Пласман на СП обезбедуваат победниците во групите, и четири второпласирани преку баражи.

 

Квалификациите ќе почнат на 4 септември идната година.