Фицо: Не очекувам намалување на приливот на бегалци од Турција

Словачкиот премиер Роберт Фицо изјави дека не очекува намалување на приливот на бегалци од Турција кон Грција и покрај договорот меѓу Европската унија и Анкара.
- Неопходно е ЕУ да преземе чекори кон нови мерки за запирање на мигрантскиот прилив, изјави Фицо во интервју за Ројтерс. чии делови пренесува БТА.
Според него, дел од тие нови мерки би било зајакнато обезбедување на границите на Македонија и Бугарија кон Грција.
Фицо нагласи дека Словачка е подготвена да подигне „мобилни бариери“ долж својата граница со Австрија и Унгарија со цел да го насочи во друг правец мигрантскиот прилив, кој според него, за брзо време ќе се зголеми.
Говорјеќи за договорот меѓу ЕУ и Турција, со кој Брисел се согласи да и додели на Анкара три милијарди евра за подобрување на условите за сместување на бегалците на нејзина територија и за спречување на бегласкиот прилив кон Европа, Фицо оцени дека следните две до три недели ќе бидат клучни за да се види дали оваа спогодба ќе профункционира и дали Грција ќе ја зајакне контролата на својата поморска граница.
- Ако не се случи тоа, јас имам многу песимистички очекувања. Тогаш сите ние во Европа ќе се обидеме да ги заштитиме нашите надворешни граници и ќе немаме друг избор освен да го засилиме обезбедувањето на границата по линијата Грција-Македонија и Грција-Бугарија, изјави Фицо.
Тој изрази стравување дека по ограничувањата за приемот на бегалци што ги воведоа Австрија и Словенија, мигрантите сега би можеле да се наочат кон Словачка.
Ваквата потврда линија на Фицо кон мигрантската криза, аналитичарите ја поврзуваат со предизборната кампања во Словачка во пресрет на парламентарните избори закажани за 5 март.
Ново на Сител
-

Ужас на ГАК: На бебе старо два дена со ножици му отсекле дел од прст при отстранување инфузија
-

Струмичанец пријавен за измама: Зел 1.200 евра за миксета од Германија, но не ја испорачал
-

Приведени 6 возачи во текот на изминатото деноноќие, 3 од нив имале активна забрана за управување моторно возило
-

Приведен скопјанец кој поседувал марихуана, при обид на бегство со возило удрил полициски службеник
-

Кривична пријава за 63-годишен тетовчанец, нападнал 11-годишно дете со дрвен предмет
-

Ужас во Скопје: Mажи на возраст од 47 и 62 години силувале дете помало од 15 години
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
