ФФМ организира спортско-забавен ден

Фудбалската федерација на Македонија (ФФМ) заедно со своите партнери и спортски пријатели денеска пред фонтана во Градски парк организира спортско – забавен ден за сите љубители на спортот и фудбалот.

– Секој посетител ќе може да си ја проба среќата на „Тркалото на среќата“, да освои вредни награди во „Трката со вода“, да шутира пенали или да се натпреварува во жонглирање. Заеднички да се обидеме целиот настан пред „Фонтана“ во Градски парк да го исполниме со позитивна енергија и сите, од најмали до највозрасни, да се увериме во користа од спортот и спортувањето, порачаа организаторите.

Посочија дека настанот на Фудбалската федерација на Македонија е поттик за сите поддржувачи на македонската репрезентација да бидат поддршка на претстојниот натпревар на Македонија против Словенија кој се игра в четврток,  на 10 октомври на Националната арена „Тодор Проески“.