Фестивал на органска храна

Под мотото „Здраво секојдневие и начин на живот“ денеска на плоштадот „Македонија“ во Скопје ќе се одржи 6. Фестивал на органска храна. 

Целта на фестивалот е да го промовира користењето на органските производи како важен сегмент во секојдневната  исхрана.

Организирани ќе бидат дебати за предностите на органската храна, за здравјето на секој поединец и неговите најблиски, јога работилници за деца и возрасни, дебата со нутриционисти околу здравиот начин на исхрана, како и работилници за најмалите.

Во изложбениот дел е предвидена презентација и дегустација на производи од преку 20 органски производители и компании кои нудат органска козметика, органски мед, органски зеленчук, органско овошје,...

Фестивалот на органска храна ќе трае од 10 до 18 часот, а го организира Град Скопје.