Фејсбук на Конгресот денеска ќе му ги даде на увид руските политички реклами

Компанијата Фејсбук соопшти дека планира денеска да предаде на американскиот Конгрес копиии од околу 3.000 политички реклами на својата мрежа за кои се сомнева дека ги купиле Руси за време и по претседaтелските избори во САД во 2016 година.

Фејсбук веќе призна дека дал информации до специјалниот советник на САД  Роберт Милер во истрагата за руско мешање во претседателсксте избори.

Москва демантира вмешаност во претседтелските избори.

Основачот на Фејсбук, Марк Зукерберг претходно ги отфрли  обвинувањата од американскито претседател Доналд Трамп, кој рече дека таа компанија е против него, но додаде и дека жали поради своите изјави по изборите.

Претставници на Фејсбук, Твитер и Гугл се повикани да сведочат пред Разузнавачки комитет на американскито Сенат на 1 ноември за наводите во врска со мешањето на Русија во американските избори.